Article on other languages:
 |
del.icio.us |
 |
Digg |
 |
Furl |
 |
|
 |
Rojo |
| Add to OnlyWire |
In brassband is ien fan de trije rjochtingen út it HaFaBra-fjild. Dêrby stiet de Ha foar Harmony, de Fa foar Fanfare en de Bra foar Brassband. Yn in brassband wurde allinnich koperynstruminten bespile (en slachwurk fansels). In brassband hat in standertbesetting hoewol't dêr inkeldris fan ôfwykt wurdt troch mear minsken deselde partij spylje te litten.
De besetting sjocht der sa út:
- 1 principal kornet
- 2 solo kornet
- 3 solo kornet
- 4 solo kornet
- 5 bugel (of flügelhorn)
- 6 es kornet
- 7 repriano kornet
- 8 twadde kornet
- 9 twadde kornet
- 10 tredde kornet
- 11 tredde kornet
- 12 solo alt
- 13 earste alt
- 14 twadde alt
- 15 earste bariton
- 16 twadde bariton
- 17 earste euphonium
- 18 twadde euponium
- 19 solo tromboane
- 20 twadde tromboane
- 21 bastromboane
- 22 bes bas
- 23 bes bas
- 24 es bas
- 25 es bas
- 26 slachwurk
De bettere brassbands út Fryslân behearskje de lanlike top by de Nederlânske Brassband Kampioenskippen en dogge it knap yn de Jeropeeske top. Dêr sitte se yn de middenmoat. Sa't Limboarch bekend stiet om syn harmonyen, stiet Fryslân bekend om syn brassbands.
De bekendste brassbands yn Fryslân binne (2007):
- De Wâldsang - Bûtenpost
- Soli Brass (earder Soli Deo Gloria) - Ljouwert
- De Bazuin - Oentsjerk
Hoewol't dy bands ferbûn binne mei in plaknamme, betsjut dat net dat it pleatslike ferienings binne. Eins binne it provinsjale ferienings. De leden komme út alle parten fan de provinsje en spylje - meastentiids - ek yn de brassband fan harren eigen wenplak.